Anfrage in Hauptansicht öffnen
1. Mittelhochdeutsches Lesebuch für höhere Lehranstalten
1872 -
Stolp
: Eschenhagen
Dokumente für Auswahl
Auswahl zurücksetzen
Aktuelle Auswahl:
id : 4192_00000127Sortiert nach: Relevanz zur Anfrage
1
Seiten
1. Mittelhochdeutsches Lesebuch für höhere Lehranstalten 
- S. 119
1872 -
Stolp
: Eschenhagen
119
so werden wol errochen elliu miniu leit.’
die Etzelen recken die wurden alle schiere bereit ;
2047. Die noch hie uze stuonden, die tribens in den sai
mit siegen und mit schüzzen; des wart gróz der schal,
doch wolden nie gescheiden die fürsten und ir man;
sine künden von ir triuwe an ein ander niht verlän.
2048. Den sai den hiez dò zünden daz Etzelen wip.
dò quälte man mit viure den helden dà den lip.
daz hüs von einem winde mit kraft vii hohe erbran.
ich waene, yolc enheinez grcezer angest ie gewan.
2049. Glenuoge riefen drinne : ‘owe dirre not!
wir mehten michel gemer sin in sturme tot.
ez mehte got derbarmen ; wie* sì wir alle ylorn !
nu richet ungefuoge diu küniginne ir zorn.’
2050. Ir einer sprach dar inne : ‘wir müezen ligen tòt.
waz hilfet uns daz grüezen, daz uns der künec enpòt?
mir tuot von starker hitze der durst so rehte wè,
daz waen min leben schiere in disen sorgen zergè.’
2051. Do sprach von Tronje Hagene: ‘ir edeln riter guot,
swen twinge dürstennes not, der trinke hie daz bluot !
daz ist an solcher hitze noch bezzer denne win.
ez en mac et niht bezzer an disen ziten gesin.’
2052. Dò gie der recken einer, da er einen toten vant.
er kniet im zuo der wunden, den heim er abe gebant;
dò begunde er trinken daz fliezende bluot.
swie ungewon ers wasre, ez dühte in groezlichen guot.
2053. ‘Nu Iòne iu got, her Hagene,’ sprach der müede man,
‘daz ich von iuwer lère so wol getrunken hàn.
mir ist noch geschenket vii selten bezzer win.
lebe ich deheine wile, ich sol iu immer waege sin.’
2054. Do die andern daz gehörten, daz ez in dühte guot,
dò wart ir michels mère, die trunken ouch daz bluot.
dà von gewan vii krefte der guoten recken lip.
des engalt an lieben friunden sit manie waetlichez wip.
2055. Daz viur viel genòte üf si in den sai;
dò leiten siz mit schilten von in hin zetal.
der rouch und ouch die hitze in taten beidiu wè.
ich waen, so grózer jarner an helden immer mèr ergè.
2056. Do sprach von Tronge Hagene: ‘stet zuo des sales want,
làt niht die brende vallen üf iuwer helmbant,