Anfrage in Hauptansicht öffnen
1. Mittelhochdeutsches Lesebuch für höhere Lehranstalten
1872 -
Stolp
: Eschenhagen
Dokumente für Auswahl
Auswahl zurücksetzen
Aktuelle Auswahl:
id : 4192_00000134Sortiert nach: Relevanz zur Anfrage
1
Seiten
1. Mittelhochdeutsches Lesebuch für höhere Lehranstalten 
- S. 126
1872 -
Stolp
: Eschenhagen
126
2121. ‘Nu lône in got, hêr Rüedegêr,’ sprach dô Gêrnôt,
‘der yil riehen gäbe ! mich riuwet iuwer tôt,
sol an iu verderben sô tugentlîcher muot.
hie trag ich iuwer wâfen, daz ir mir gäbet, heit guot.
2122. Daz ist mir nie geswichen in aller dirre not;
under sinen ecken lit manie rîter tôt.
ez ist luter unde stæte, hêrlîch unde guot.
ich wæn, sô riche gäbe ein recke nimmer mer getuot.
2123. Und weit ir niht erwinden, irn weit zuo uns gän,
slaht ir mir iht der friunde, die ich hinne han,
mit iuwer selbes swerte nim ich iu den lip ;
so riuwet ir mich, Rüedegêr, unde iuwer hêrlîchez wip.’
2124. ‘Daz wolde got, hêr Gêrnôt, und meht ez ergan,
daz aller iuwer wille wære hie getän,
und daz genesen wære iuwer friunde lip!
jâ sol iu wol getruwen beidiu min tohter und min wip.’
2125. Do sprach von Burgonden der schœnen Uoteu kint :
wie tuot ir so, hêr Rüedegêr? di mit mir komen sint,
si sint iu alle wæge. ir grifet übel zuo.
die iuwer schoene tohter weit ir verwitwen ze fruo.’
2127. ‘Gedenket iuwer triuwen, vil edel künic hêr,
gesende iuch got von hinne.’ sô sprach Rüedegêr.
‘lât die junefrouwen niht entgelten min ;
durch iuwer selbes tugende sô ruochet ir genædic sin ! ’
2128. ‘Daz tæt ich billiche,’ sprach Gîselhêr daz kint.
‘die hohen mine mage, die noch hier inne sint,
suln die von iu sterben, sô muoz gescheiden sin
diu vil stæte friuntschaft zuo dir unde der tohter din ’
2129. ‘Nu müez uns got genaden!’ sprach der küene man.
dô huoben si die schilde, also si wolden dan
striten zuo den gesten in Kriemhilte sal.
dô rief vil lüte Hagene von der stiege hin zetal:
2130. ‘Belibet eine wile, vil edel Rüedegêr!’
also sprach dô Hagene. ‘wir wolden reden mêr,
ich und mine hêrren, als uns des twinget not.
waz mac gehelfen Etzeln unser eilender tôt?’
2131. ‘Ich stên in grözen sorgen,’ sprach aber Hagene.
‘den schilt, den mir frou Gotlint gab ze tragene,
den habent mir die Hiunen zerhouwen von der hant.
ich fuort in friuntliche in daz Etzelen lant.