Anfrage in Hauptansicht öffnen
1. Handbuch für den deutschen Unterricht in den oberen Klassen der Gymnasien
1872 -
Köln
: DuMont-Schauberg
Dokumente für Auswahl
Auswahl zurücksetzen
Aktuelle Auswahl:
id : 4220_00000132Sortiert nach: Relevanz zur Anfrage
1
Seiten
1. Handbuch für den deutschen Unterricht in den oberen Klassen der Gymnasien 
- S. 112
1872 -
Köln
: DuMont-Schauberg
112
Hermann von Fritzlar.
>
des lebines, daz dar umme Stunt, und sprach zu sime sune: »min sun, wilt du daz
ich lebe, so louf balde vor daz paradis und bit den engel der da vore stet mit eime
furigen swerte, daz her mir sende eine frucht vom dem holze des lebines, daz ich
iz ezze und daz ich lebe und kume wider in mine ersten jugent.« Und her tet diz,
und der engel gap ime ein ris von deine boume, do Adam und Eva baten daz ge-
bot ane gebrochen. Und do der sun quame mit diseme rise, do was Adam tot. Do
stizin si ime diz ris zu grozen eren zu sinen houbiten, und iz bekleip und wuchs
ein groz boum dar uz. Do der kunig Salomon liez den tempel buwen zu Jerusalem,
do buwete her in von helfenbeinen und von mermelinen steinen und von cypressem
holze und von golde; do his man diz cypressin holz zu deine tempele. Do der tempel
gereit wart, do künde sich das holz nirgen dar ane gefugen. Do liz iz der künic
Salomon legen in den tempel inpor, daz man iz ane sach durch die erberikeit des
holzes. Und do die wissagerinne Sibylla quam zu Salomon und solde den tempel
besehen, do sach si daz holz do ligen. Do sprach si: »do lit daz holz da der juden
herschaft sal ane ein ende nemen.« Do deine künige die rede vure quam, do wart
her betrubit, wan waz dise Sibylle sagete, daz wart wor. — Kuuic Salomon nam diz
holz und liez iz begraben in eine wazzerige stat fünfhundert klaftern in die erden,
und diz holz wuchs her uf bi Ule jaren, daz iz wart zu eime Stege über daz
wazzer. Und der kunic von Oriente der zogite zu Jerusalem und sach diz holz unde
nam sine kuneclichen kröne abe und neig diseme holze; und di diz sahen, die wistin
nicht waz her meinete, und der kunic wiste sin mich nicht, wan iz wirkete got durch
in. Aber dar nach wart ein groz tich an der selben stat, und daz holz lac in deine
tiche und der tich wart in aberhemischen geheizen Bethsaida. Und do unser herre
geborn wart, dar nach ginc der engel alle tage abe von dem himile und bewegete daz
wazzer; und wer danne in daz wazzer quam, der wart gesunt von aller siner suchen.
Die alden bucher sprechen, daz daz wazzer bete die kraft von deine holze daz dinne
lac, daz daz heilige kruze werden solde; aber di nuwen meistere sprechin, iz bete
kraft von dem engel der daz wazzer bewegete. Aber andere glosen sprechen, iz were
ein Vorzeichen der toufe: wan in der toufe alle simde vergeben werden, also wart
ouch hi der mensche gesunt von aller siner suche. Sente Johannes schribet, daz in
disen tich gingen fünf porthuser, und bezeichnn di heiligen fünf wunden, die unser
herre hat in sinem li« harne. Di glosen sagen, daz man in disem tiche wusch di
opher der lemmcr und der kelber, die man solde ophern in dem tempel, und meinet:
allez daz der mensche gote opheren wil, daz sal her zum ersten tragen in daz liden
unses herren und sal iz dar inne waschen und reinigen, so wirt iz gote geneme.
Do di zit quam, daz unser herre sine marter liden wolde, do wart daz holz
her uz genomen, und do unser herre vorurteilt wart von Pylato, do leite man ime
diz holz uffe sinen hals; daz truc her an die stat, dö man in marteren solde. Do
hinc man unsen herren an diz kruze. Do unser herre gestorben was und irstanden
was und zu himile gevaren was, do gedachten die juden der prophezien, di di vrowe
Sibylle hate gesaget deme kunige Salomone und naraen dit heilige kruze und be-
grubin iz in der erden wol hundert klaftern, und die zwei kruze, do die schechere
ane hingen, begruben si einz drizic klaftern in der erden und daz ander sechzic
klaftern Und über zwei hundert jar nach dem tode unses herren, do Constantinus
bekart wart (den bekarte sancte Silvester), do hate sancte Helene, Constantinus
muter, Jerusalem inne und hüt eine groze disputacien mit der kristenheit. Und wiltu
dise legende lesen, so suche uffe sancte Silvesters tac in der prediate. Do di juden
vorwunden wurden von den kristen, do vinc si alle die juden, und wolde wizzen wo
das heilige kruze begraben lege. Do wart ir vermeldit einer der hiz Judas; des elder
vater hate geseit sime vater die stat. Und Judas ginc mit sente Helenen und mit
vile herren und mit heiligen luten an die stat, die ime sin vater gezeichent. Und her
bette und di anderen alle und baten got, ob daz kruze do were, daz unser herre
ein zeichen do tete. Und do wart ein groz ertbibunge, und do singen si in und
vunden di dru kruze und leiten daz heilige kruze uf eine siche vrowen; di wart ge-
sunt. Und do nach leiten si iz uffe einen toten; der stunt uf und was gesunt. Do
lizen sich der juden vile toufen und ouch sente Helene. Do sniten si daz kruze in
dru stucke; ein stuck bleip zu Jerusalem; daz andere quam zu Constantinopels; daz
dritte teil fürte Constantinus zu Rome, do iz noch ist. Diz ist die historje wol zu
halberne wege von dem heiligen kruze also si genomen ist uz den alden bucheren
und von gewissen lerem der kristenheit.